Tanim-bala sa NAIA

Lihim na itinanim
sa biktimang maleta,
OFWng hamak
may ani palang bala!
Hindi rin pinalampas
seniors, mga turista.
“Isolated cases,” ani
Honrado ng NAIA.
“Konti lang iyan,” sagot
ni Kalihim Abaya.
Tinanong naman si Mar,
sigaw n’ya “Propaganda
‘yan laban sa gobyerno!”
Naging pasahang-bola
ang dapat ginagapas
ligaw na ebidensya.
Hangga’t ang mga utak
ng tanim-bala’y laya,
kamal-kamal ang tubo
ng misteryosong mafia.

ni Louise Vincent Amante
()

Share This Post