Sa Pagdating ng Rilim at Salamisim

Ni RAUL FUNILAS
Inilathala ng Bulatlat

Namumuong rilim at hanging habagat,
Kapag nagkayakap tiyak ikakalat
Ang ulang kinandong na buhat sa dagat
Lulusong sa ilog palikaw-banayad
Magtitipun-tipon sa Dam na malawak.

At kapag apaw na ang reserb’wang tubig
At ang namahala’y tanaw ang panganib;
Kagyat mag-uutos: “Tungkabin ang pinid
Na pintuang moog!” Delubyo’y sasapit.
(Bayan ko’y mag-ingat at kahindik-hindik.)

Dambuhalang ingay ang biglang huhugos,
Ang papalimpingi’y ang tahana’t ilog;
Nitong tubig-bahang hjindi nagpatulog
Na may salamisim na kalunus-lunos.
(Walang nakahumang damakmak ang birtud.)

Nang tamaulian laksang taong-baya’y
Kayraming naglutang malamig na bangkay.

(Inilathala ng Bulatlat)

Share This Post